OGOTERA 01 - 25

`MOCHENU_OMOCHENU   1 `Mochenu_Omochenu or` Omonguru, Ekero bogokia tokobake Aye; `Mochenu `Monyamabera bw`echinguru, Nay`omogambi kare na kare.   2 `Mochenu malaika bagosasima, Babek` egutw`as`enyancha y`ekerore; `Megand` emeganda bakogosasima, Naye oreo kare na kare.   3 `Mochenu nony`omosunt`ogontuba, Nonya titokoror`obonene bwao; Nay`or` omochenu kobua bonsi, `S`obwanchani, `nguru n`obochenu.

TOBAKE NYASAE   1 Tobake Nyasae, As`Omwan` Omwanchwa,  Ase Yes`okwete bon`ore Igoro.   Chorus: Haleluya tokobake, Haleluy`abe bo; Haleluya tokobake, toboki emioyo.   2 Tobake Nyasae, As`omoik Omuya; Otworokirie Yeso Omotoria.   3 `Gotogigw`ase, `Manw`eria yakwete;   Kabogori` ebibe na gotosibia.   4 Atogigw`ere Nyasae bw`obuya; Oy`otogorire na gotoraa.   5 Toboki`emioyo, toichori` Obwanchani;  Morero Igoro okune chinkoro.

MOTOGIE TAT`OKORIR`AMANENE   1 Motogie Tat`okorir` amanene, Agancha`ens agato` Omwan`oye, Akerua gokwa atosibi` ebibe, Oyoranche anyore Obogima.   Chorus: Mobake `Monene, Ense emoigwe, Mobake `Monene, Abanto bagoke: Inchwo ase Tata Yes` abarete, Momotogie okorir` amanene.   2 Okoborigwa ogoikeranu, Oyobwanchire nare na eira Mosari`onde bwensi oramwegene, Kegim`ere nanyore okwaberwa.   3 Okorire na kwegeri`amanene, Twagokire ime y`Omwana Yeso, Nkob`ogokumia `bochenu, `bonene, Tomoroche gator`as` orogendo.

  [A] TOGI` OKOBUA KWA YESO   1 Togi`okobua kwa Yeso Malaika sasima, Ret` egutwa y`obogambi, mobekere Yeso; Ret` egutwa y`obogambi, mobekere Yeso.   2 `Nw`abachore b`Omonene, mwaborigwe nere, Motogi`Oyobatoririe` As`Obuya bwaye; Motogi`Oyobatoririe` As`Obuya bwaye.   3 Na inwe abanto bonsi mor` ase ense eye, `Bonene bwonsi nobwaye, mobeker`egutwa; `Bonene bwonsi nobwaye, mobeker`egutwa.   4 Amo n`omoganda`o_igoro, natomosasime, Ntosange am`ogotera, Komoa `bonene; Ntosange am`ogotera, Komoa`bonene. [B] TOGI` OKOBUA KWA YESO   1 Togi`Okobua kwa Yeso Malaika sasima, Malaika sasima; Ret` egutwa y`obogambi;   Chorus: SIT: Mobe-kere, Mobe,-kere,`gutwa, Mobe-ker`egutwa. A: Momobe-kere, `gutwa, `gutwa, Mobe-kere `gutwa, Mobekere`egutwa. B: Momobe-kere, `gutwa, E-gutwa. Mobeker`egutwa.   2 `Nw`abachore b`omonene, Mwagorirwe, Nere, Mwagorirwe Motogi`oyobatoririe;   3 Nainwe abanto bonsi, Mor`ase ens`eye, Mor`ase ens`eye; `Bonene bwonsi nobwaye; ...

`BA IGORO MOSASIM` OMOGAMBI   1 Aba Igoro sasim Omogambi Tera Obwanchani bw`ogokumia; Enguba Embingwa nere botambe; Y oichire nobuya n`ogotogigwa.   2 Ter`obobui n`obuya bwaye. Ere bwebisetie Oborabu: `Ndamwamu yaye yareta rirumbe, Nabuet` obotindi bwemerindo.   3 Borendi bwao mbogokwaneka, Bwarosi` embeo bwarabi omobaso Bwaika korw` ebitunwa gochi` omweya, Bwatoerer`ase rime n`embura.   4 Ntw`ab`eriroba ntor`abareu, Twagosemeri`aye n`omobui; `Maber`ao y`obworor`a botambe, `Motongi, omoboria,  n`omosani oito.

TATA TWAGOCHERA   1 Tata twagocheire, Intwe twaremeirwe; Nay`obotamero, Twasoroire. `Nse`ger`omosunte, Eker`otario; Kab`Omoremi`oito, Tat`o`bonsi.   Chorus: Tata twagocheire, totoombia `Gw`ogosaba gwaito ntw`abareu   2 Totorie Korw`as` ababisa n`obobe; Nay`obotimok`as` okogania. `Se chitang`utang`u n`obwor`otoremie; `Se chinguru chiao otokong`ie.   3 Toe `buya bwao tob`abao bori; Tami`amagor`aito korw`ebibe. Twasoroire torae goika tobue; Tomeny`amo nay`eng`umbu_engiya.

NYASAE `MOTORIA OITO   1 Nyasae `Motoria oito, Korw`emiaka yonsi; Ekiriri`as`emechando, Enka ya botambe.   2 Inse y`ekiriri kiao, natomenye buya; `Koboko kwao ngoisaine gotorenda twensi.   3 Otaratonga ens`eye, Tikiarenge gento; Nyasae kwareo nay` orab`emiaka yonsi.   4 `Biare elfu `s`ore bing`e mogorob`eyemo; `Bieng`e bun`ensa ya mambia Ko bogokiamoka.   5 Nyasae `Motoria oito, As`emiak`egocha; Torae gatoremoyo, `S`enka ya Igoro.

`GW`EKERERO NYOROKI` AMABERA   1 `Gw` ekerero nyoroki`amabera Omotoria inchuo; Moy`orosire nkogania oche Omotoria inchuo.   Chorus: Natarire ense eye embe, Natarir`are korwa nka, Nyoyi`ong`iranie ase obweri, Omotoria inchuo.   2 Tindi n`ase ndebise botuko Omotoria inchuo; Nay`obogim`okong`omobaso Omotoria inchuo.   3 Inche bweka narosir`enchera, Omotoria inchuo; Narora omosasoko as`ore, Omotoria inchuo.   4 Tori kwanga Omoyo bwerure, Omotoria inchuo; `Gwa`gosaba n`okorera kwane, Omotoria inchuo.

OMOTONGI ONE   1 Omotongi one, bionsi pi nebiao; Naye bweka kwabing`ete Nay`ogonsesenia, Naye bweka kwabing`ete Nay`ogonsesenia.   2 Egetongwa kiao, Ing`a obogima, Nyasae one ngotogie omoy`ogotogie, Nyasae one ngotogie omoy`ogotogie.   3 Ninki ndakoe ko bionsi bir`ebiao, Nkeri keegwa keraisan`obwanchani bwao, Nkeri keegwa keraisan`obwanchani bwao.   4 `Buya bwao bombeke, `nguru chia_ igoro, Kera ring`ana n`okogania bib`ebiao pi, Kera ring`ana n`okogania bib`ebiao pi.

NCHW` ENSOKO   1 Nchw` Ensoko ya Ker`egesio, Ninter`obuya bwao, Maber`amang`ataere, Agere tokobake; Nyegerie kogosasima, Nyorok`obuya bwao, `Gosemeria Kw`Obonene, Nkor`eichorw`obwanchani.   2 Nateneniri `Ebenesa*, kwandendire goik`aa, Nasemeirie as`obuya bwao, ning`ike inka Yes`akandigi`omosiru, Konareng`are nere, Gonkonya korw`emechando, Gaiter`amanying`aye.   3 Botambe nd`omonyasira, `s`obuya bwa Nyasae, `Buya buna chingatare, bombwaterani` as`ore; Mbetereirie ntayaye, ntige Nyasae nyanchete, Ir`enkoro yane tata, yegach`agwo igoro.

YES `OMONYAIRA   1 Yes` omonyaira, nonya nabake Bachire gosaba, nobe aroro; Twanchire ring`ana togosasime, Yeso tosesenie, natokorore.   Chorus: Yeso tosesenie, nao toraa; Inchuo tosesenie, mono botambe.   2 Nkwabete na intwe korw`agwo kare, Ko ntokoganetie goika oche; Inchuo Omoboria, toe obuya, Toigwe otwanche, otosesenie.   3 Yeso otokonye, natogotogie, Totere as`ore, igw` ogosaba; Buna togosaba, erio twegene, Erio tosemerie, twanche kobua.

`MARIOGI ONSI TIG `ATERE   1 Mariogi onsi tigatere, `Rieta riaYeso rigiya; `Kobakwa kwa Nyasae oito, `Rieta ria Yeso rigiya.   Chorus: Rieta rigiya, `Rieta nigiya, Rieta ria Yeso rigiya; Rieta rigiya, `Rieta rigiya, Rieta riaYeso rigiya.   2 Nigo rikorusi `obwoba, `Rieta riaYeso rigiya; `Monyene ebib` amwanche, `Rieta ria Yeso rigiya.   3 Riasaria nguru chi`ebibe, `Rieta ria Yeso rigiya; Amanyinga yogosibia, `Rieta ria Yeso rigiya.

BAKA TAT` OGOSESENIA   1 Baka Nyasae `Mosesenia, Bitongwa bi`ense mobake, Mogand`O Igoro mobake, Tata, Omwana n`Omoika.   Amen.

NYASAE NINTARE N`AYE   1 Nyasae nintare Naye, Bun` Enoku atarete; Mbwate okoboko kwane, Inkwane n`Aye boronge; Nintaror` enchera buya; Yeso, ntare amo Naye.   2 Tingotara inche bweka, Mwaga nomotindi bori; Amatemwa abuchire, Ababisa nabange bo; Kiria emerindo nyancha, Omonene! ntare Naye.   3 Korambwate okoboko, Ense tekombera kende; Nintare nde omoremu, Goika ng`ik` Omoerio; Ndore omochie Zayoni, Omotoria, ntare Naye.

KWANA N`ENKORO YANE   1 Kwana nenkoro yane, Ontebi` amangana Nyiwe enkoro ime, "Tori aye bweka"; Igor` enkoro yane, Nyigwe riogi riao; Erio ngotogie aye, Nchenge ime yao.   Chorus: Omonyerere ngora N`obwanchani bwao; Mbe omobui bori otari n`ebibe; Kwana nainch` Omonene N`Obwanchani bwao; Omonyerere ng`ora "Tori aye bweka".   2 Kwana n`abana bao, Enchera enchenu; Baichorie Omogoko, Barende banabe, Baru` Obogim` as`ore bonda bwao boche; Omonene oito nchuo,karansa na intwe.   3 Okwane buna kare gwakwanete ense; Nindigetie nkomanye, Erio ntar` as`ore; Nyorokia ngosik` aye nkobake botambe; Mbwatie ayorigetie, `Matuko nde moyo.

NINKOGANETI` OMONENE!   1 Ninkoganeti` Omonene! Igo inde n`ebibe; Mbwate okoboko ndae, Erio nyare korora.   Chorus: Botambe, botambe, Ninkoganeti` Omonene! Botambe, botambe, Omotoria ondende.   2 Mbekere oboitongo, Ebibe biambuire; Nyoroki` oboreu bwane, Ing`a chinguru chiao.   3 Tinkoiroka as`ore, A ye nondae buya; Tara na inch` Omotoria, Nay` obogima bwane.   4 Kende gionsi nagechicha, `Mogoko n`obororo; Omoyo nobe as`ore, Naye orantimokie.

N`YESO TAI NCHE   1 N`Yeso, tai nche, Kristo, Anchwe naend` asikwe; N`Yeso, tai nche, `Manywe, aigweke, N`Yeso, tai nche, As` ebikorwa bionsi N`Yeso, tai nche, `s`ebirengererio.   2 N`Yeso, tai nche, Aremi` as`obororo; N`Yeso, tai nche, Atinyi`amariga, N`Yeso, tai nche, Aimokie egurube, N`Yeso, tai nche, Aserie obwoba.   3 N`Kristo, bweka, Tinkwana ayar`amabe; N`Kristo, bweka, Tintera amabe N`Kristo, bweka, Tinyeimokia igoro, N`Kristo, bweka, Tinyetang`ania inche.   4 N`Kristo, bweka, Ner`okong`isanekia, N`Kristo, bweka, Obogima bwane, N`Kristo, bweka, Mobere nomoy`one, N`Kristo, bweka, `Ns`eye na Igoro.

OMOTORIA TORAE NTWE   1 Omotoria torae ntwe, otorende kegima; Toe `ndagera engiya, Tobe riicho riao.   Chorus: Yes` omuya, Yes` omuya, Aye gwatogorire; Yes` omuya, Yes` omuya, Aye gwatogorire.   2 Intwe naba` omosani, Totang`ane enchera; Torende riicho riao, Torigie titosira.   Yes` omuya, Yes` omuya, Toigwe ogosaba; Yes` omuya, Yes` omuya, Toigwe ogosaba.   3 Kwarire eira twanche, Natoba abasaria; Nonyare gotwabera ntwe, tosibie n`amanyinga;   Yes` omuya, Yes` omuya, Natokoiranere; Yes`omuya, Yes` omuya, Natokoiranere.

MOSALAB` OMOTORI` AGAKWA   1 `Mosalab` Omotori` agakwa, `Gwo nkarera nsibigw`ebibe, `Manying`ay` agansibi `enkoro, `moe `bonene.   Chorus: Moe `bonene, `Moe `bonene, Manying`ay` agansibi`enkoro, Moe `bonene.   2 Nchera y`ogokumi` antoririe, Yes`omenyete ime yane, Agw`omosalab`ombogorie `moe `bonene.   3 Ensok`engiya y`ogotoria, nagokire gosoa ime, Yeso antoria na gonchena, `moe `bonene.   4 Nchwo `s`ensok`entenenk` engiya, karu`enkoro ya` eyi`entaka soa `me rer`oikeranigwe `moe `bonene.

NYASAE OITO NEGETARE   1 Nyasae oito negetare. `Botamero   emechando, `Gokonyeka kore ang`e, Emechando ende yonsi.   Chorus: `Getare gototimokia, `Kiriri gokenderera, `Morai as`orogendo `Botamero emechando.   2 Botuko, mobaso nere, Botamero emechando. Igo titokoiroka, Ekiagera are naintwe.   3 `Mechand` ende netonyora, `Botamero emechando, Twamanyire nomorendi, Oyore ang`e botambe.   4 Nyasae negekengano, `Botamero emechando, Amatuk` onsi norwaki, Oyore ang`e botambe.

NGWEKANE BUNA YESO   1 Ngwekane buna Yeso; Amenye ime yane, Ng`ichorie obwanchani, Nindabe omwororo, Ngwekane buna Yeso, kangotara as`ense, Mbe n`omoika oye, `Monene nchwo ase nde.   2 Gakoigwa chinyoni, Nagochirenda buya, Nanyigwe ekerero, n`ogochandeka kwane; Nanyorokie boronge, Anyabere `komocha, Nchenek` enkoro yane `Monene nchwo ase nde.   3 Ngwekane buna Yeso; Amatuko onsi pi, Nintimoke as`are, Ninyw` amache amaya; Nimbe n`obuya bwaye, Nyor` obwanchani bwaye, Ninyegene kegima `Monene nchwo ase nde.

TONG`ETANI` OMOTORI` ONE   1 Tong`etani` Omotori` one, `Gwa kangosaba; Gokorangeria abande, Takong`etania.   Chorus: Yeso, Yeso, `Gwa kangosaba; Gokorangeria abande, Takong`etania.   2 `ekerogo ki`amabera, Ntimokereo; Ntung`ame as` oboitongo, Nkonye nyegene.   3 Nsemereti` Obuya bwao; Nkoror` Obosio; Ngweni` omoy`osaregete. Ntori` as` obuya.   4 Naye ore omoremia, Kobua bionsi; Kaiar`oyomoreng`aine, Nse nonyaigoro.

NGWANCHETE   1 Ngwanchete, Ngwanchete, Ngwanchet`omonda Ngwanchet` Omotoria, Ngwanchete Nyasae. Ngwanchete, Ngwanchete, kwamanyir`Aye, Bikorwa biorokie, buna`Ngwanchete.   2 Ngogete, Ngogete, Mono kobua, Ntenen` egetunwa, ngoke botambe Nyerore enibo, agwo ndamenye, Yeso, malaika, n`abaya bonsi.   3 Yes` Omotori`one, `R`ogotoreka; Bogima, mogoko, n`ogotimoka; Ndiatore erieta, nter` obwanchani; Buyabwao bokune bogima bwane.   4 Ning`o ogwekaine, `Mogamb` omuya; Anyancha, nsasoka, Ang`ogotera; Mobake mobake, goter`okuya; `Ndoche chi`omogoko, Enkor` etere.

O YES OMOBORI` ONE   1 O Yes` Omobori` one, `Mogok` ogotera, Motori` omosasoko, Kero nchandegete.   Chorus: O Yes` Omobori` one, Ninkobake aye, Mosani onde tari, Bw` amatuko onsi.   2 Nay`ore okoremia. As` emiaka yonsi, Mosunte korantube, `Marig` agotonya!   3 Ninkwegen` Omotoria, Mosani_Omorai, Naki aye nomuya, Kobua bonsi pi.   4 Nintere nomogoko, Kond` ense y`ebibe, Nintere n`omogoko, bisieri bia Igoro.

NAYE OBOGIMA BWANE   1 Naye obogima bwane, bobuet` obwenseye, Orogendo rwane nseye, `Motoria ntare naye.   Chorus: Mbe naye, mbe naye, mbe naye, mbe naye Orogendo rwan` enseye, `Motoria ntare naye.   2 Tari mogoko ngosaba, tindigeti_obonene, `Meremo as`emechando, bwanche intare naye.   Mbe naye, mbe naye, mbe naye, mbe naye Meremo as`emechando, bwanche intare naye.   3 Ntang`ane_ime yomosunte, `Nyimokie erio mbue, Omonene nsoe naye `bogima botaere.   Mbe naye, mbe naye, mbe naye mbe naye, Omonene nsoe naye `bogima botaere.